Самарқандлик тиктокер ёши кекса одамнинг юзига тепгани тасвирланган видеони ижтимоий тармоқларга жойлади

Ижтимоий тармоқларда Самарқанд шаҳрида тиктокер кўчада кетаётган ёши кекса одамнинг юзига тепиб ўтиб кетгани тасвирланган видео тарқалди. Вилоят ИИБ ахборот хизмати ҳолат юзасидан муносабат билдирди. Унга кўра ҳолат ўрганилмоқда.

«Самарқандда бир-икки кун залга қатнаб, ўзидан «кўча зўри»ни ясаб олган TikTok'чи — кўчада кетаётган ёши кекса маст кишини тепган ҳолати видеосини ижтимоий тармоқларда тарқатиб мақтанаётган шахснинг хатти-ҳаракатлари ИИБ томонидан ўрганилмоқда», дейилади муносабатда.

Аввалроқ Самарқандда орган ходимларини ҳақорат қилиб, кўчани «хулиганлар» бошқаришини айтган тиктокер 7 суткага қамалганди.