Elvis Preslining uyi ijaraga berilmoqda

Mashhur qo‘shiqchi Elvis Preslining Beverli-Xillzda joylashgan uyi ijaraga berilmoqda. Bu haqda TMZ xabar qildi.

Ma'lum bo‘lishicha, shu uyda bir kechani o‘tkazish uchun 4 ming dollarni to‘lash talab etiladi. Biroq, kishilarga uyni besh kundan kam bo‘lgan muddatga ijaraga olish taqiqlangan.

Aniqlik kiritilishicha, uyda to‘rtta yotoqxona, oltita vannaxona, shuningdek, hovuz va spa bor.

Avvalroq Elvis Preslining shaxsiy samolyoti auksionda sotilishi xabar berilgandi.

Eslatib o‘tamiz, Presli 1977 yilda 42 yoshida vafot etgan va hanuzgacha dunyodagi eng mashhur qo‘shiqchilardan biri sanaladi.