O‘zbekistonda shahar aholisining asosiy qismi alohida uylarda yashaydi

Milliy statistika qo‘mitasi ma’lumotlariga asosan, 2025 yil yanvar–sentabr oylarida o‘tkazilgan uy xo‘jaliklari tanlanma kuzatuvlari shahar hududlarida uy-joy turlari bo‘yicha taqsimotni ko‘rsatdi.

Kuzatuv natijalariga ko‘ra, shaharda yashayotgan uy xo‘jaliklarining 77,6 foizi alohida uylar (xususiy hovli)da istiqomat qiladi. Ko‘p kvartirali uylarda yashovchilar ulushi 22,1 foizni tashkil etgan. Boshqa turdagi uy-joylarda istiqomat qilayotgan uy xo‘jaliklari ulushi esa 0,3 foizga teng.

Qayd etilishicha, ushbu ko‘rsatkichlar 2025 yilning yanvar–sentabr oylarida amalga oshirilgan uy xo‘jaliklari tanlanma kuzatuvlari asosida shakllantirilgan.