Pompeo janubiy koreyalik hamkasbi bilan bekor qilingan sammit haqida gaplashdi

Janubiy Koreya tashqi ishlar vaziri Kan Gyon Xva va AQSh davlat kotibi Mayk Pompeo telefon orqali o‘zaro muloqotda Amerika-Shimoliy Koreya sammitining bekor qilinishi bilan bog‘liq vaziyatni muhokama etdi. Bu haqda Koreya Respublikasi TIV matbuot xizmati xabar bergan.

Ta'kidlanishicha, Pompeo suhbat davomida Vashingtonning bu masala bo‘yicha pozitsiyasini bildirib, Pxenyan bilan muloqotni tiklashga tayyorlikni ta'kidlab o‘tgan.

O‘z navbatida, Kan Gyon Xva sammit bekor qilinidan afsusda ekanini aytib, u «Koreya yarim orolida mustahkam tinchlikni o‘rnatishda muhim rol o‘ynashi mumkin ekanini» qayd etdi. Bundan tashqari, diplomat Vashington va Seulning hamkorligini KXDR bilan muloqot uchun yo‘l izlash maqsadida davom ettirish taklifi bilan chiqqan.

Eslatib o‘tamiz, avvalroq KXDR AQSh bilan munosabatlarni hamon yaxshilash tarafdori ekani va Amerika rasmiylari bilan uchrashuvni istalgan vaqtda hamda istalgan shaklda o‘tkazishga tayyorligini bildirgandi.