AQSh Eronga qarshi sanksiyalarni kuchaytirmoqchi

AQSh prezidenti Donald Trampning milliy xavfsizlik bo‘yicha maslahatchisi Jon Boltonning ma'lum qilishicha, Eronga qarshi yangi sanksiyalar yadroviy bitim tuzilishidan oldin amal qilgan sanksiyalardan ancha qattiqroq bo‘ladi. Bu haqda The Wall Street Journal yozmoqda.

Nashr ma'lumotlariga ko‘ra, muqaddam AQSh hukumati istisnolarni ham kiritgan, bunda Qo‘shma Shtatlar kompaniyalari Eron bilan «muayyan shartlarda » ishlashi mumkin edi. Biroq, yangi sanksiyalar to‘plami hech qanday istisnolar bo‘lmasligini nazarda tutadi.

Shu bilan birga, Bolton va uning vakili «juda cheklangan» istisnolar bo‘lishi mumkinligini tan oldi. Ular qaysi kompaniyalar va qanday faoliyat sohalari bilan bog‘liq bo‘lishiga aniqlik kiritmadi.

Eslatib o‘tamiz, avvalroq Eron o‘zida ishlab chiqarilgan ilk qiruvchini taqdim etgandi.