Jizzaxda bir kishi is gazidan zaharlanib vafot etdi

Jizzax viloyatining Do‘stlik tumanida ko‘ngilsiz hodisa yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 24 oktabr kuni “Sanoatchilar” MFYda yashovchi S.M. (ayol) uyining yuvinish xonasida isitish pechiga o‘rnatilgan suyultirilgan gaz bosimi ko‘tarilib ketishi tufayli is gazidan zaharlanib, kasalxonaga yotqizilgan.

Ko‘rsatilgan tibbiy muolajalarga qaramay vafot etgan. Surishtiruv ishlari olib borilmoqda.

Eslatib o‘tamiz, avvalroq Toshkent viloyati Yangiyo‘l tumani er-xotin is gazidan zaharlanish oqibatida hayotdan ko‘z yumgandi.