Pompeo: Rossiya AQSh himoyasini zaiflashtirmoqda

AQSh davlat kotibi Mayk Pompeoning ma'lum qilishicha, Rossiya tomoni Qo‘shma Shtatlar himoyasini zaiflashtirmoqda. Bu haqda u teleboshlovchi Shon Xennitiga bergan intervyusida aytib o‘tdi.

Pompeoning so‘zlariga ko‘ra, Tramp Rossiya bilan yaxshi munosabatlarga erishmoqchi ekanini aniq ko‘rsatgan.

«Ular (ruslar) muammolar, qiyinchiliklar keltirib chiqarmoqda, Amerika himoyasini zaiflashtirmoqda», - dedi Pompeo.

Uning qo‘shimcha qilishicha, buning uchun Rossiya tomoni raketalar to‘g‘risidagi bitimlar va boshqa imzolangan kelishuvlar doirasidagi o‘z majburiyatlarini bajarishga qaytishi kerak. Shu bilan birga, Qo‘shma Shtatlar Rossiya bilan muloqotni davom ettirishi lozim.

Eslatib o‘tamiz, avvalroq NATO qiruvchilari Rossiya bombardimonchilari sababli havoga ko‘tarilgandi.