BMT Seulga KXDR bo‘yicha sanksiyalar borasida yengillik berdi

BMT Xavfsizlik kengashi Janubiy Koreyaga Shimoliy Koreya bo‘yicha ayrim sanksiyalarda yengillik berish haqida qaror qabul qildi. Bu haqda «Ryonxap» manbalarga asosan xabar bermoqda.

Agentlik ma'lumotlariga ko‘ra, bunday yengillik Seul va Pxenyanning temir yo‘llarini birlashtirish loyihasi doirasida berildi.

Ta'kidlanishicha, Janubiy Koreyaga temir yo‘llarning holatini baholash uchun KXDR hududiga qator materiallarni yetkazib berish imkoni taqdim etilgan.

Eslatib o‘tamiz, avvalroq KXDR va Janubiy Koreya mamlakatlarni optik tola yordamida birlashtirmoqchi ekani xabar qilingandi.