БМТ Сеулга КХДР бўйича санкциялар борасида енгиллик берди

Фото: Getty Images

БМТ Хавфсизлик кенгаши Жанубий Кореяга Шимолий Корея бўйича айрим санкцияларда енгиллик бериш ҳақида қарор қабул қилди. Бу ҳақда «Рёнхап» манбаларга асосан хабар бермоқда.

Агентлик маълумотларига кўра, бундай енгиллик Сеул ва Пхеньяннинг темир йўлларини бирлаштириш лойиҳаси доирасида берилди.

Таъкидланишича, Жанубий Кореяга темир йўлларнинг ҳолатини баҳолаш учун КХДР ҳудудига қатор материалларни етказиб бериш имкони тақдим этилган.

Эслатиб ўтамиз, аввалроқ КХДР ва Жанубий Корея мамлакатларни оптик тола ёрдамида бирлаштирмоқчи экани хабар қилинганди.