Eron qo‘lga olingan Britaniya tankerini qo‘yib yubordi

Britaniyaning Stena Impero tankeri ozod qilindi va Eron suv hududini tark etishi mumkin. Bu haqda AFP agentligi xabar berdi.

Xabarda aytilishicha, tanker hozirda Bandar-Abbos portida turibdi. Reuters agentligining xabariga ko‘ra, u tez orada Eron hududini tark etadi.

Eron 19 iyulda Hurmuz bo‘g‘ozida Britaniya kemasi ushlanganini xabar qilgandi. Kema xalqaro qoidalarni buzgani uchun ushlangani aytilgan.

Uning bortida Rossiya, Hindiston, Latviya va Filippin fuqarolaridan iborat 23 kishilik ekipaj bo‘lgan.