BAA dunyoda birinchi bo‘lib kosmik sud tashkil etadi

Sud xususiy kompaniyalarning kosmik faoliyati, xususan, sun'iy yo‘ldoshlar sotib olish yoki orbitada qurilmalarning to‘qnashuvi borasida paydo bo‘lgan bahslarni hal etishga ixtisoslashadi.

Foto: AP Photo/Jon Gambrell

Dubay hukumati Yer orbitasidagi tijoriy nizolarni hal qilish bilan shug‘ullanuvchi kosmik sud tashkil etadi. Bu haqda Dubay xalqaro moliya markazi xabar berdi.

2021 yilda Dubay xalqaro moliya markazi sudlari va Dubay kelajak fondi ushbu tashabbusni amalga oshirishni boshlaydi.

Mazkur arbitraj sudi xususiy kompaniyalarning kosmik faoliyati, xususan, sun'iy yo‘ldoshlar sotib olish yoki orbitada qurilmalarning to‘qnashuvi borasida paydo bo‘lgan bahslarni hal etishga ixtisoslashadi.

BAA keyingi yillarda kosmik sohada erishgan yutuqlar sababli ushbu qarorga kelingani aytilmoqda.