Yevroparlament Belarus AESi faoliyati to‘xtatilishini talab qildi
Yevrodeputatlar AES YeI va MAGATE ekspertlarining tavsiyalari to‘liq bajarilmasdan turib elektr energiyasi ishlab chiqarishni boshlaganini ta'kidlagan.
Yevroparlament Belarus AESi faoliyati to‘xtatilishini talab qildi. YePning Bryusselda bo‘lib o‘tgan sessiyasida tegishli rezolyutsiya qabul qilindi.
Xabar berilishicha, hujjatni 642 nafar deputat qo‘llab-quvvatlagan, 29 deputat qarshi ovoz bergan va 21 nafari betaraf qolgan.
"Yevroparlament deputatlari Ostrovsadagi Belarus atom elektr stansiyasining xavfsizligi borasidagi jiddiy xavotirlar sababli uning faoliyati to‘xtatilishini talab qiladi", – deyiladi tavsiyaviy tusdagi rezolyutsiyada.
Yevrodeputatlar AES YeI va MAGATE ekspertlarining tavsiyalari to‘liq bajarilmasdan turib elektr energiyasi ishlab chiqarishni boshlaganini ta'kidlagan.
BelAESning birinchi bloki o‘tgan yilning 3 noyabr kuni Belarus yagona energiya tizimiga ulangan, 7 noyabrda uning rasmiy ochilish marosimi bo‘lib o‘tgandi.
9 noyabr kuni AES elektr energiyasi ishlab chiqarishni to‘xtatdi. Bunga texnik tusdagi muammolar sabab bo‘lgan. Xabarlarda aytilishicha, kuchlanish transformatori ishdan chiqqan.
Mavzuga oid
19:19 / 23.10.2024
Belarusda prezidentlik saylovi sanasi belgilandi
11:40 / 19.10.2024
Yaponiyada birinchi marta 50 yildan ortiq ishlayotgan AES reaktori faoliyatiga ruxsat berildi
20:20 / 16.10.2024
AES direksiyasi rahbari: Ishlatilgan yadro yoqilg‘isi Rossiyaga olib ketiladi
15:00 / 14.10.2024