Rossiya va AQSh strategik barqarorlik bo‘yicha qo‘shma bayonot qabul qildi
16 iyun kuni Jyenevadagi La-Granj villasida Rossiya va AQSh prezidentlari o‘rtasida uchrashuv bo‘lib o‘tdi.
Rossiya va AQSh prezidentlari Vladimir Putin va Jo Bayden Jyenevadagi uchrashuv yakunlari bo‘yicha strategik barqarorlik borasida qo‘shma bayonot qabul qildi. Bu haqda Kreml matbuot xizmati xabar berdi.
«Bugun biz yadroviy urushda g‘oliblar bo‘lmasligi va bu urush hech qachon yuz bermasligi tamoyiliga sodiqligimizni tasdiqlaymiz», deyiladi bayonotda.
Bayonotda aytilishicha, strategik hujum qurollarini qisqartirish va cheklash to‘g‘risidagi shartnomaning uzaytirilishi buning tasdig‘idir.
«Rossiya va AQSh bu maqsadlarga erishish uchun yaqin vaqt ichida strategik barqarorlik bo‘yicha ikki tomonlama muloqotni yo‘lga qo‘yadi», deyiladi hujjatda.
16 iyun kuni Jyenevadagi La-Granj villasida ikki davlat rahbarlari uchrashuv o‘tkazdi. Ular o‘rtasidagi ikki qismdan iborat muzokaralar 3,5 soat davom etdi.
Mavzuga oid
18:45 / 20.10.2024
Mask AQSh prezidentlik sayloviga qadar kuniga 1 mln dollarlik lotereyani e’lon qildi
14:21 / 20.10.2024
AQShga qochgan diplomat: okean ortidan siyosiy boshpana so‘ragan sovet amaldori
22:30 / 19.10.2024
AQSh Ukrainani NATOga taklif qilishga tayyor - OAV
22:01 / 18.10.2024