Hindiston qit'alararo raketa sinovini o‘tkazdi

Hindiston yadro qurolini tashiy oladigan Agni-5 qit'alararo ballistik raketa sinovini o‘tkazdi. Bu haqda The Independent nashri xabar bermoqda.

Raketa 5 ming km masofani bosib o‘ta oladi va deyarli butun Xitoy hududiga yetib borishi mumkin. Sinovlar Bengal ko‘rfazida o‘tkazildi.

Hindiston hukumatining bildirishicha, sinov mamlakat siyosatiga mos keladi. Hindiston shuningdek, birinchi bo‘lib yadro qurolini qo‘llamaslik tamoyiliga sodiqligini ta'kidlagan.

Nashrning qayd etishicha, Xitoy raketa salohiyatining kuchayishi Hindistonni qurolli tizimlarni takomillashtirishga undagan.

Oktabr o‘rtalarida Xitoy yadro zaryadi tashuvchi gipertovushli raketani sinovdan o‘tkazgandi.