Yerevanda 100ga yaqin kishi pitssadan zaharlandi

Armaniston poytaxti Yerevanda 98 kishi Tashir Pitssa yemakxonasida tamaddi qilganidan so‘ng ovqatdan zaharlanish tashxisi bilan shifoxonaga yotqizildi. Bu haqda Armenpress xabar bermoqda.

Xabarda aytilishicha, 53 kishi yuqumli kasalliklar markazida davolanmoqda, ularning 13 nafari voyaga yetmaganlardir.

Yana 32 kishi respublika tibbiy markaziga, 11 kishi xirurgiya instituti va 2 kishi Martunin tibbiy markaziga yotqizilgan.

Uch nafar bemorning ahvoli o‘rta og‘ir deb baholanmoqda.