“Yomoniga tayyorgarlik ko‘rish kerak” – NATO Ukraina bilan bog‘liq vaziyat to‘g‘risida

NATO Ukraina atrofidagi vaziyat borasida yaxshisiga umid qilishi, lekin yomoniga tayyorgarlik ko‘rishi kerak. Shimoliy Atlantika alyansi bosh kotibi Yyens Stoltenberg ana shunday fikr bildirdi, deb xabar berdi TASS.

"Rossiya tomonidan harbiy qudratni kuchaytirishdan aniq maqsad borasida oydinlik yo‘q. Shunday ekan, biz albatta yaxshisiga umid qilishimiz, ammo yomoniga tayyorgarlik ko‘rishimiz kerak", - dedi u.

Stoltenberg NATO hozirda ittifoqchilarga nisbatan bevosita tahdidni ko‘rmayotgani, "biroq o‘sib borayotgan keskinlikni ko‘rayotgani"ni aytdi.

Uning qo‘shimcha qilishicha, NATO Rossiyaning harakatlarini kuzatadi va Ukrainani qo‘llab-quvvatlashda davom etadi.

Avvalroq Yyens Stoltenberg Ukrainaning NATOga qo‘shilishi to‘g‘risidagi qaror Kiyevning o‘zi va alyansning 30 a’zosi tomonidan qabul qilinishini ma’lum qilgandi.