To‘qayev Qozog‘istonning yirik biznesmenlariga murojaat bilan chiqdi
Qosim-Jo‘mart To‘qayev yirik biznes vakillarini jamiyatni tashvishga solayotgan ijtimoiy muammolarni yechishda chetda turmaslikka chaqirdi.
Qozog‘iston prezidenti Qosim-Jo‘mart To‘qayev Oqo‘rda qarorgohida yirik biznes vakillari bilan o‘tkazilgan uchrashuvda zamonaviy bolalar bog‘chalari, maktablar, shifoxonalar, universitetlar qurish, turizmni rivojlantirishga investitsiyalar kiritish muhimligini qayd etdi.
"Biz sizlarning xayriya aksiyalaringizga umid qilyapmiz. Hozir mamlakatda maktablar, talabalar yotoqxonalari, yoshlar uchun sport obektlari yetishmayapti. Sizning yordamingiz mamlakat uchun katta ahamiyatga ega", - dedi u.
To‘qayev shuningdek, biznes uchun raqobat maydoni tekis bo‘lishini aytdi.
"Bundan buyon hech qanday imtiyozlar bo‘lmaydi. Qozog‘istonda halol biznes bilan shug‘ullanish har qanday inson uchun manfaatli va xavfsiz bo‘lishi kerak", - dedi u.
Qozog‘iston prezidentining qayd etishicha, mamlakatda iqtisodiyotni demonopolizatsiya qilish va bozorlarni ochish bo‘yicha ishlar davom etadi.
Mavzuga oid
17:06 / 06.10.2024
Qozog‘istonda AESni xalqaro konsorsium qurishi kerak – To‘qayev
14:28 / 02.10.2024
Islohotlarni hayotga tatbiq etish uchun prezidentga 7 yil muddat yetarli - To‘qayev
22:16 / 27.09.2024
To‘qayev korteji marshrutidan o‘q otish qurollari topildi
16:18 / 02.09.2024