Qamashi tumaniga yangi hokim tayinlandi

Xurshid Usmonov Qamashi tumani hokimi lavozimiga tasdiqlandi. Tumanning oldingi hokimi vazir o‘rinbosari bo‘lgan.

Foto: Qashqadaryo viloyati hokimligi matbuot xizmati

Bugun, 18 avgust kuni xalq deputatlari Qamashi tumani Kengashining navbatdan tashqari sessiyasi bo‘lib o‘tdi. Unda tashkiliy masala ko‘rib chiqildi.

Sessiyada deputatlar Xurshid Abdukarimovich Usmonovni Qamashi tumani hokimi lavozimiga tasdiqlashdi.

Xurshid Usmonov 1979 yil Kasbi tumanida tug‘ilgan. Toshkent davlat texnika universiteti, Toshkent davlat texnika universiteti magistraturasini va O‘zbekiston Respublikasi Prezidenti huzuridagi Davlat boshqaruvi akademiyasi tamomlagan.

Tayinlovga qadar viloyat «Qashqadaryo suv ta’minoti» mas’uliyati cheklangan jamiyati direktori lavozimida ishlab kelayotgan edi.

Qamashi tumaniga 2020 yil oktyabridan buyon Botir Tog‘ayev rahbarlik qilib kelgandi. U 2023 yil avgustida qishloq xo‘jaligi vazirining birinchi o‘rinbosari lavozimiga ko‘tarilgandi.

Tayyorlagan: Азиз Қаршиев

#tayinlov #Qamashi tumani #Botir Tog‘ayev #Xurshid Usmonov