«Tinchlik kengashi»ning birinchi yig‘ilishi 19 fevralda bo‘lib o‘tadi – OAV

Oq uy «Tinchlik kengashi»ning birinchi yig‘ilishini 19 fevral kuni Vashingtonda o‘tkazishni rejalashtirmoqda. Bu haqda Axios AQSh rasmiylari va diplomatlariga tayanib xabar berdi.

Ilk uchrashuv prezident Donald Tramp ma’muriyati tomonidan taklif qilingan davlat rahbarlari darajasida o‘tkaziladi.

«Bu «Tinchlik kengashi»ning birinchi yig‘ilishi va G‘azoni tiklash uchun mablag‘ yig‘ish anjumani bo‘ladi», — degan nashr manbasi.

6 fevral kuni Oq uy logistika masalalarini hal qilish uchun «Tinchlik kengashi»ga a’zo mamlakatlar ma’muriyatlari vakillari bilan aloqa o‘rnatdi. Axios ma’lum qilishicha, Tramp farmoni bilan Donald J. Tramp nomidagi Tinchlik instituti deb qayta nomlangan AQSh Tinchlik instituti (USIP) uchrashuv joyi sifatida tanlangan.

«Hozircha hech narsa tasdiqlanmadi, lekin ma’muriyat tadbirni o‘tkazishni rejalashtirmoqda va qaysi rahbarlar qatnashishi mumkinligini ko‘rib chiqishni boshladi», — degan manba.

«Tinchlik kengashi» 16 yanvarda Tramp tashabbusi bilan G‘azo sektoridagi nizolarni hal qilish maqsadida tashkil qilingan. Davosdagi Jahon iqtisodiy forumida bu kengashga qo‘shilishni istagan 19 davlat prezident, bosh vazir va rasmiylari hujjatga imzo chekishdi.