Техасда байкерлар ўртасида содир этилган отишмадан кейин 200 нафарга яқин шахс ҳибсга олинди

АҚШнинг Техас штатидаги Уэйкло шаҳарчасида 18 май куни байкерлар орасида низо юз бериши ва ўзаро отишма келиб чиқиши ҳолати бўйича ўтказилаётган тергов давомида 192 киши ҳибсга олинган. Бу ҳақда Sky News нашрининг твиттерида хабар берилади.
Бу отишма шаҳардаги "Твин Пикс" ресторанида рўй берган жанжалдан кейин келиб чиққан ҳамда унинг натижасида 9 киши ҳалок бўлган.
Қайд этилишича, бу отишмада The Cossacks, The Bandidos ва The Scimitars гуруҳларининг аъзолари иштирок этган.