Фестиваль KT&G ташаббуси билан Тошкентдаги Пучон университети мувофиқлаштирувида Ғафур Ғулом номидаги боғда ўтказилди. Унинг марказий воқеаси корпорация, университет ва Ўзбекистон Республикаси Маданият вазирлиги ўртасида уч томонлама меморандум имзоланиши бўлди. Ҳужжат экологик маданият, таълим ва халқаро ташаббуслар соҳасида келгусидаги ҳамкорлик учун асос яратади.
KT&G экологик менеджмент ва ижтимоий масъулиятни ривожлантириб, ресурслардан оқилона фойдаланиш, атроф-муҳитга таъсирни камайтириш ва чиқиндиларни самарали бошқаришга эътибор қаратмоқда. Компаниянинг 2030 йилгача бўлган мақсадлари қаторига 2020 йил даражасига нисбатан Scope 1 ва 2 тоифаларидаги иссиқхона газлари чиқиндиларини 42 фоизга камайтириш, сув олиш ҳажмини 20 фоизга қисқартириш ва чиқиндиларни қайта ишлаш даражасини 90 фоизга етказиш киради.
Фестивалда KT&G Eurasia президенти Чо Же Ён (Cho Jae Young), KT&G Global TAS бош директори Ли Жонг Ю (Lee Jongyub) ҳамда KT&G ESG бошқаруви офиси раҳбари Шим Ён А (Young ah-Shim) иштирок этди.
Экологик ташаббусга Ўзбекистон давлат органлари ва жамоат ташкилотлари вакиллари ҳам қўшилди. Улар орасида Чилонзор тумани ҳокими Ҳаёт Иногамов, маданият вазирининг халқаро масалалар бўйича маслаҳатчиси Шаҳруҳ Акбаров, Олий Мажлис, Сенат ва Ўзбекистон Экологик партияси вакиллари бор. Маҳаллий ҳокимият ва тегишли тузилмалар вакилларининг иштироки экологик маданиятни ривожлантиришда давлат, таълим муассасалари, бизнес ва жамоатчилик ҳамкорлиги муҳимлигини таъкидлади.
Тадбирда сўзга чиққан Шим Ён А экологик муаммолар турли мамлакатлар ва жамоаларнинг биргаликдаги саъй-ҳаракатларини талаб қилишини таъкидлади.
“Бугунги кунда атроф-муҳит муаммолари энди фақат бир мамлакатнинг муаммоси эмас. Бу бутун дунё ҳамжиҳатликни намоён этиб, саъй-ҳаракатларни бирлаштирган ҳолда биргаликда ҳал қилиши лозим бўлган муҳим вазифадир”, — деди у.
Шим Ён А таъкидлашича, KT&G ижтимоий ва экологик ташаббусларни давом эттириш ҳамда Ўзбекистон билан ҳамкорликни мустаҳкамлаш ниятида. Фестивалдаги иштирок ушбу йўналишдаги амалий қадам бўлди: барқарор ривожланиш тамойиллари университет, давлат тузилмалари ва маҳаллий ҳамжамият билан ҳамкорликда амалга оширилди.
