Тошкент кўчаларида диплом иши ёзиб берувчилардан эълонлар кўпаймоқда

Тошкент кўчаларида “диплом иши ёзиб бераман” қабилидаги эълонлар кўпайиб кетмоқда.
Маълум қилинишича, малакавий битирув ишлари ёзиб бериш нархи 600 мингдан 2 млн сўмгача.
“Диплом ишини пулга ёзганлар ўқишга ҳам пул билан кирганини исботлаб беради. Улар ҳеч қачон яхши кадрга айлана олмайди. Энг қизиғи, диплом иши ёзиб бераман деб иддао қилган қаллоблар ҳам аслида ҳеч нарса ёза олмайди, улар шунчаки тайёр материални аралаштириб, янгисини яратишга ҳаракат қилишади. Бундай қаллобликнинг илдизини қуритишнинг энг яхши йўли тегишли сайтларда барча илмий ишларни жойлаштиришдир”, – дейди филология фанлари номзоди Тўлқин Эшбек “Даракчи” газетасига берган интервьюсида.