Қозоғистонда мактаб ўқувчилари Ягона давлат имтиҳонини онлайн тарзда топширади

Қозоғистон Республикаси Таълим ва фан вазири Аслан Саринжипов қозоғистонлик мактаб ўқувчилари Ягона давлат имтиҳонини онлайн режимда топширишини маълум қилди, дея хабар бермоқда ИА Новости-Казахстан нашри.

Имтиҳон жараёнининг онлайн муҳитда ўтказилиши баҳолаш тизимини модернизация қилиш шаклларидан биридир, – дейди Саринжипов.

Брифинг чоғида вазир гап имтиҳон ўтказиш жойининг ўзгариши ҳақида кетмаётганини таъкидлаб ўтди. Балки битирувчилар махсус марказларда саволларга жавобларни қоғозда эмас, компьютерда белгилашади.

Вазир, шунингдек, 2015-2016 ўқув йилида имтиҳонлар одатдаги тартибда амалга оширилишини маълум қилди.

“Ҳозирда биз махсус марказларнинг компьютер базаси устида иш олиб бораяпмиз. Ушбу марказлар замонавий, янги стандартларга мос тарзда жиҳозланади. Биз босқичма-босқич қоғоз шакллардан воз кечиб, аввалига компьютер, сўнгра онлайн тартибда имтиҳонларни олишни бошлаймиз”, – дейди вазирликнинг таълим ва фан бўйича назорат қўмитаси раҳбари Саят Нюсупов.