Пентагон: Россия АҚШ элчихонасини Суриядаги операциядан бохабар қилди

Россия АҚШнинг Бағдоддаги элчихонасини Суриядаги операциядан бохабар қилди. Бу ҳақда Пентагон расмийларига таянган ҳолда РИА Новости агентлиги хабар бермоқда.

Шунингдек, Пентагон АҚШ бошчилигидаги халқаро коалиция кучлари Ироқ ва Суриядаги позицияларга авиазарбалар беришда давом этишини тасдиқлади. Эслатиб ўтамиз, Россия улардан Сурия ҳаво ҳудудини бўшатиб қўйишни талаб қилган эди.