Аdidas директори: "МЮ" билан бизнесимиз яхши кетмоқда

Аdidas компанияси бош директори Херберт Хайнер Англиянинг "Манчестер Юнайтед" жамоаси билан олиб борилаётган ҳамкорлик тўғрисида фикр билдириб ўтди.

"МЮ" билан бизнесимиз кўнгилдагидек кетмоқда. Биз кутганимиздан ҳам кўра кўпроқ либос сотдик. Ҳамкорликнинг бу томонидан биз хотиржаммиз...

"МЮ" жамоасининг ўйини аввалги каби кучли бўлмаса ҳам, биз ҳеч нарсадан хавотирланаётганимиз йўқ", дейди Хайнер.

Германиянинг спорт кийимлари ва экипировкалари ишлаб чиқаришга ихтисослашган Adidas компанияси жорий мавсум аввалида "МЮ" билан кейинги 10 йил учун 750 млн евролик ҳажмда ҳомийлик шартномаси имзолаганди.