Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 17:01 / 05.01.2016
    8448
    2 дақиқада ўқилади

    Ҳасан Руҳоний: Ар-Риёд муносабатларни узиш орқали ўз жиноятини яшира олмайди

    Эрон президенти Ҳасан Руҳонийнинг ҳисоблашича Ар-Риёд дипломатик муносабатларни узиш орқали ўз жиноятини яшира олмайди. Бу ҳақда Рейтер агентлиги хабар тарқатди.

    "Саудия Арабистони шиалар хатиби Нимр ан-Нимрни қатл этиб, сиёсий жиноятга қўл урди ва энди ўз жиноятини дипломатик муносабатларни узиш орқали яширмоқчи бўлди", дея Эрон президентининг сўзларидан иқтибос келтиради IRNA агентлиги.

    Руҳоний бу гапларини Теҳронда бўлиб турган Дания элчиси Кристиан Женсен билан учрашув вақтида айтиб ўтган.

    Ўтган ҳафтанинг шанба кунида Саудия Арабистони Ички ишлар вазирлиги 47 киши, шу жумладан, шиа тарғиботчиси Нимр ан-Нимрнинг қатл этилгани ҳақида эълон қилган эди. Имомнинг қатл этилиши ҳақидаги хабар шиа сиёсий ва диний арбобларини қаттиқ ғазабга келтирди ва натижада оммавий норозилик намойишлари бошланиб кетди. Намойишлар вақтида Саудия Арабистонининг Теҳрондаги элчихонасига ўт қўйилди.

    Бу ҳолат Ар-Риёд ва Теҳрон ўртасида дипломатик муносабатлар батамом узилишига сабаб бўлди.

    Шундан сўнг, аввал Баҳрайн ва Судан Эрон билан алоқаларни тўхтатди. Кейинроқ эса БАА ва Кувайт Теҳрондаги элчиларини чақириб олди.