D-Link уйда ёнғин чиққанида SMS юборадиган датчикни намойиш қилди

D-Link компанияси Лас-Вегасда ўтаётган CES-2016 кўргазмасида “ақлли уй”нинг бир унсури бўлмиш DCH-S165 mydlink Smart Alarm Detector датчигини намойиш этди.

Айтилишича, янги ускуна таҳликали овозларни эшитади ва хўжайинни дарҳол хавфдан SMS-хабар воситасида огоҳлантиради.Ускунанинг ўзига хос томони шундаки, у жудда оддий структурага эга бўлиб, Wi-Fi бор ҳар қандай хонадонга ўрнатилиши мумкин.

DCH-S165 розеткага ва симсиз интернетга уланади, шундан сўнг у атрофдаги овозларни “эшитади”. Агар у ҳақиқий тутун датчиклари сиренаси ишлаб кетганини эшитса, бу ҳақда хўжайинга хабар бериш учун унга интернет орқали хабар юборади.

Ускунани, шунингдек, бошқа ҳар қандай турдаги овозларни эшитишга мослаштириш мумкин. Айтайлик, у синган дераза ёки эшик қўнғироғини эшитиши мумкин.
Ускуна 2016 йилнинг иккинчи чорагида АҚШда 60 доллар нарх билан сотувга чиқарилади.