Ўзбекистонда ферроспластлар ишлаб чиқарилиши йўлга қўйилади

Ҳиндистоннинг Aeepl Dreamingeers компанияси Бекободдаги “Ўзбек металлургия комбинати” АЖ билан ферроқотишмалар ишлаб чиқаришни йўлга қўйиш борасида келишувга эришди. Бу ҳақда корхона расмий вакилларига таянган ҳолда Sputnik агентлиги хабар бермоқда.

Унинг сўзларига қараганда, томонлар лойиҳа реализациясининг оралиқ концепциясини муҳокама қилган.

"Келишув доирасида Ҳиндистон компанияси 2016 йил бошида "Ўзметкомбинат"га ўз технологик ишланмалари ҳамда ферросилиций ишлаб чиқариш лойиҳаси бўйича жиҳозлар етказиш схемасини тақдим этади", — тушунтирди агентликнинг суҳбатдоши.

Лойиҳа қиймати 65 млн долларни ташкил қилиши мумкинлиги айтилмоқда. Илгарироқ комбинат 2015-2018 йилларда Марказий Қизилқумдаги Кўкпатас кони негизида ферросқотишмалар ишлаб чиқаришни йўлга қўйишга 64.8 млн доллар ажратиши хабар қилинган эди. 2017 йилда у ерда 15 минг тонна ферросилиций, 2018 йилда эса 10 минг тонна ферросиликомарганец ишлаб чиқарилиши режалаштирилмоқда.