Адам Лаллана: «МЮ»ни енгсак, ЕЧЛ йўлланмаси учун курашга қўшиламиз

«Ливерпуль» жамоаси ярим ҳимоячиси Адам Лаллана «Манчестер Юнайтед»га қарши учрашув олдидан ўз фикрларини билдириб ўтди.

«Биз «Арсенал»га қарши жуда яхши ўйин ўтказдик, лекин ўша ўйинда атиги бир очко қўлга киритдик. «Манчестер Юнайтед»ни енгсак, ЕЧЛ йўлланмаси учун курашга қайтишимиз мумкин.

Бу ўйинга ўзимизга ишонган ҳолда тушишимиз керак. Мавсум бошида биз кучли тўртлик яқинида эдик, лекин кейин ишларимиз орқага кетди.

«Манчестер Юнайтед» ўтган йили бизни икки ўйинда ҳам мағлуб қилганди. Биз бу мавсумнинг биринчи даврасидаги ўйинда ҳам мағлуб бўлдик (1:3). Энди бу қарзларни қайтаришимиз керак.

Биз бу мавсумда кучли рақибларга қарши ўйинларда яхши ўйнаяпмиз. Шу руҳда давом этишимиз керак», дейди Лаллана.