АҚШда Обамага таҳдид қилган эркак 3 йилга озодликдан маҳрум этилди

АҚШнинг Висконсин штати суд ҳаками Уильям Конли ўтган ёзда АҚШ президенти Барак Обамани ўлдириш билан таҳдид қилган Брайан Датчерни 3 йилга озодликдан маҳрум этди, деб хабар бермоқда Associated Press ахборот агентлиги.

Датчер 2015 йил июнида фейсбукдаги саҳифасида "ўзининг конституцион бурчини амалга оширишга", яъни Барак Обамани унинг Ла-Кросс шаҳрига ташрифи пайтида ўлдиришга ваъда берган.

Датчерни таниган, Ла-Кросс шаҳри кутубхонаси қўриқчисининг айтишича, Датчер ўзининг бу "шум" нияти ҳақида унга ҳам айтган.

Январь ойида ҳукм чиқарувчилар федерал суди Датчерни Обама ҳаётига таҳдид қилишда айбдор деб топганди.