Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 11:56 / 20.04.2016
    1636
    1 дақиқада ўқилади

    ОАВ: Хитой қитъалараро янги баллистик ракетани синовдан ўтказди

    Хитой 10та жанговар каллак ўрнатилган DF-41 русумли энг янги қитъалараро баллистик ракетани синаб кўрди. Бу ҳақда The Washington Free Beacon хабар берган.

    Пентагон вакилларининг нашрга маълум қилишларича, Америка разведка сунъий йўлдошлари ва қуруқликдаги кузатув ускуналари ҳар бири ўз бошқарувига эга иккита каллакнинг ракетадан ажралганини қайд этишган. Бунда парвоз қаердан амалга оширилгани хабар қилинмаган.

    Америка разведка хизматларига кўра, ракета 10 минг километрдан кўпроқ масофага уча олади. Бу эса Хитойдан АҚШнинг исталган ҳудудини 30 дақиқа ичида нишонга олиб, зарба бериш учун етарлидир.

    Нашрнинг ёзишича, DF-41 ракетасининг аввалги синов парвози Хитойнинг марказий провинцияси Шаньсидаги Учжай полигонидан ўтган йилнинг декабрида амалга оширилган эди. Навбатдаги синов эса, Хитой ва АҚШнинг жанубий Хитой денгизида манфаатлари тобора тўқнаш келаётган бир пайтга тўғри келди.