“Оскар” лауреати Уитни Хьюстон ҳақида фильм суратга олади

“Оскар” мукофоти лауреати режиссёр Кевин Макдональд қўшиқчи Уитни Хьюстон тўғрисида ҳужжатли фильм олишни режалаштирмоқда. Бу ҳақда The Hollywood Reporter хабар берди.
Манбага кўра, Макдональд биографик фильм устида анчадан буён ишламоқда. Унинг номи қандай бўлиши ҳали аниқ эмас.

Хьюстон 2012 йилда вафот этган. Унинг бутун дунё бўйлаб 200 миллион диски сотилган. 2015 йили унинг якка-ягона фарзанди ҳам дунёдан кўз юмган.