Афғонистонда жангарилар 8 нафар полициячини отиб кетишди

Афғонистонда жангариларнинг навбатдаги ҳужуми оқибатида камида 8 нафар полициячи ҳалок бўлган. Бу ҳақда Tolo News хабар тарқатди.

Маълум қилинишича, полициячилар либосини кийган жангарилар Кобул-Қандаҳор автотрассасида полициячиларга қарата ўт очишган.

Ҳозирча бу ҳужум учун жавобгарликни ҳеч қайси ташкилот ўз зиммасига олмади.