Туркияда машҳур меҳмонхоналар тармоғининг эгалари қўлга олинди

Туркиянинг Аланья шаҳрида Delphin Hotels меҳмонхоналар тармоғи хўжайинлари қўлга олинди. Turizmdebusabah сайтининг хабар қилишича, Толга ва Альпер Жўмардўғлилар 15 июль кечаси амалга оширилган давлат тўнтаришига алоқадорликда гумон қилинмоқда. 

Туркиянинг Ўрта ер денгизи соҳилларида жойлашган Delphin Hotels тармоғи, кўп йиллар мобайнида хорижлик сайёҳларнинг ишончига сазовор бўлиб улгурган. Меҳмонхоналар «ҳаммаси ичида» тартибида ишлайди. 33 йил аввал асос солинган тармоқ таркибида 7та меҳмонхона бўлиб, ўринлар сони 10 мингтани ташкил этади.