Эрдўған Туркия ва Исроил муносабатларини тиклашга рухсат берди

Туркия президенти Ражаб Тоййиб Эрдўған, мамлакат парламенти томонидан тасдиқланган Исроил ва Туркия ўртасидаги алоқаларни яхшилаш тўғрисидаги шартномани имзолади, деб хабар қилмоқда унинг расмий сайти. 

Эндиликда, шартнома расмий ОАВда эълон қилингач, кучга киради. 

Шартномага мувофиқ, Исроил 2010-йилги "Озодлик флотилия"си билан юз берган ҳодиса туфайли, Туркияга 25 кун ичида 20 миллион доллар товон пули тўлаши керак. 

Исроил ва Туркия 28-июнь куни муносабатларни тиклаш шартномасини имзолаган эди. Унинг учга кириши учун иккала мамлакатлар парламентлари томонидан тасдиқланиши ва давлат раҳбарлари томонидан имзоланиши керак эди.