Назарбоевнинг қизи Қозоғистон Сенати мажлисида қўмита раҳбари этиб сайланди

Фото: today.kz

Қозоғистон Сенати (парламентнинг юқори палатаси) депутатлари мамлакат президентининг қизи Дариға Назарбоеванинг ташқи ишлар, муҳофаза ва хавфсизлик бўйича палата доимий қўмитасининг раиси лавозимига тайинланиши учун овоз беришди.

"Назарбоева Дариға Нурсултоновнани Ташқи ишлар, муҳофаза ва хавфсизлик бўйича доимий қўмита раиси этиб сайлашни таклиф қиламан", - деди палата спикери Қосим-Жўмарт Токаев пайшанба куни сенатнинг ялпи мажлисида.

Сенат депутатлари ушбу таклифни очиқ овозга қўйиш йўли билан қўллаб-қувватлашди.