ХВЖ Хитой миллий пулини халқаро валюталар саватчасига қўшди

ХВЖ Ижроия кенгаши Хитой юанини SDR саватчасига қўшиш тўғрисида қарор қабул қилди, дея хабар қилмоқда жамғарма ахборотномасида. 

Мазкур қарор 2016 йил 1 октябридан кучга киради. 

Қайд этилишича, шундай қилиб Хитой пули ушбу саватчага кирувчи бешинчи валюта бўлган. ХВЖ кенгаши қарорига кўра, юаннинг саватчадаги улуши 10,92 фоизни ташкил этади.

Ўз навбатида Хитой халқ банки Хитой миллий пул бирлигининг SDR саватчасига киритилгани ва Халқаро валюта жамғармасининг бу борадаги баёнотини олқишлаган, деб хабар қилмоқда РИА «Новости» агентлиги.