Ўзбекистоннинг бу йилги текстил маҳсулотлари экспорти бир миллиард АҚШ долларидан ортади

Ўзбекистон Республикаси 2016 йилнинг охирига қадар 1,1 млрд долларлик текстил ва тикув-трикотаж маҳсулотларини экспорт қилишни режалаштирмоқда.

Ҳозирда “Ўзбекенгилсаноат” ўз маҳсулотларини дунёнинг 50дан ортиқ мамлакатларига экспорт қилмоқда. Улар орасида МДҲ мамлакатлари, Европа, ХХР, АҚШ, Канада, БАА ва бошқа мамлакатлар бор, деб хабар қилмоқда UzDaily.uz сайти.

Ўтган йили бу борада янги бозорлар кашф қилиниб, Лихтенштейн, Мавритания, Покистон, Грузия, Хорватия, Нигерия каби давлатлар билан ҳамкорлик йўлга қўйилди. 

Бундан ташқари, Ўзбекистондаги тўқимачилик корхоналарининг хорижда 40дан ортиқ савдо уйлари ташкил этилган бўлиб, бу ўзбекистонлик ишлаб чиқарувчилар учун чет эллик шериклар топишда жуда муҳимдир.