Туркия америкалик журналист аёлни озод этди

Фото: nbc news

Туркия икки ойдан кўпроқ вақт мобайнида ҳибсда сақланган америкалик журналист аёл Линдси Снеллни қўйиб юборди, деб ёзмоқда Guardian нашри. У чегарани ноқонуний кесиб ўтганлиги учун қўлга олинган эди.

Суриянинг Ҳалаб шаҳридаги воқеаларни ёритган журналист қатор ОАВ, жумладан MSNBC, ABC News, Discovery ва Yahoo News телеканаллари билан ҳамкорлик қилган. Уни июль ойи охирларида "Жабҳат Фатаҳ аш-Шом" (собиқ "Жабҳат ан-Нусра") гуруҳи бир неча ҳафта мобайнида тутқинликда ушлаб турган эди. Снелл озодликка чиққач, Туркияга йўл олиб, бу ерда 6 август куни Хатай вилояти ҳукумати томонидан чегарани ноқонуний кесиб ўтганлиги учун ҳибсга олинган эди.

Снелл АҚШ давлат департаменти унинг қўлга олингани муносабати билан ҳеч қандай баёнот бермаганидан қаттиқ хафа бўлганини билдирган.

Снеллнинг айтишича, уни террорчиликда гумон қилинаётган, хусусан ИШИД аъзолари билан бирга сақлашган.