ЕИ Туркия билан визаларни бекор қилиш механизмини ишлаб чиқади

Европа иттифоқи мамлакатлари етакчилари яқин ҳафталарда ЕИ ва Туркия ўртасидаги визаларни бекор қилиш механизмини аниқлаб олишни таклиф қилишди. Бу ҳақда РИА «Новости» агентлиги хабар қилмоқда. 

«Қонуншуносларга яқин бир неча ҳафтада визаларни бекор қилиш механизмининг амал қилишини қайта кўриб чиқиш бўйича келишувга эришиш таклиф этилмоқда», — дейилади ЕИ саммити якуний хулосасида. 

Эслатиб ўтамиз, май ойида Еврокомиссия Европарламент ва ЕИ Кенгашига Туркия фуқаролари учун виза чекловларини бекор қилишни тавсия қилган эди. Бунинг учун, Туркия томони муҳожирлик келишуви шартларини батамом адо этиши шарт қилинганди. Туркия президенти Ражаб Тоййиб Эрдўған ўз навбатида визалар бекор қилинмаса, ушбу келишувдан чиқиши билан таҳдид қилган эди. 

Кейинроқ, ЕИ туркияликлар учун 1 октябрдан визаларни бекор қилиши хабар қилинди. Бироқ, бу ҳам эндиликда асоссиз экани ойдинлашиб улгурди.