Жанубий Корея президенти истеъфога чиқишга тайёр эканлигини маълум қилди

Жанубий Корея президенти Пак Кин Хе истеъфога чиқишга тайёр эканлигини маълум қилди. Бу ҳақида Associated Press нашри хабар берди.

У мамлакат фуқаролари олдида коррупцион можаро учун узр сўради ва ўз лавозимини муддатидан аввал тарк этишга тайёр эканлигини билдирди. 

Пак Кин Хенинг рейтинги коррупцион можаро фонида рекорд даражада пасайиб, 4 фоизни ташкил қилди. 

Октябрь ойида Жанубий Корея прокуратураси мамлакат президентининг дугонаси Цой Сун Силга нисбатан расмий айблов эълон қилганди. У коррупцион можароларда айбланмоқда ва давлат ишларига аралашганликда гумон қилинмоқда.