Атамбаев: Мен ўғри эмасман, ўз пулимга уй қуришга ҳаққим бор
Қирғизистон республикаси президенти Алмазбек Атамбаев 2016 йилдаги сўнгги матбуот анжуманида ўғри эмаслиги, ўз пулига қурилиш қилишга ҳақли эканини таъкидлади.
Журналистлар давлат раҳбарига ер участкаси ва янги уй қураётгани ҳақидаги можарони хотирлатишган.
«Мен ўғри эмасман. Қўйтошдаги мактабда ўқиганман, бу ерда аждодларим яшаган. Ўз пулимга қурдим. Ҳаққим бор. Худо олдида виждоним пок», - деган Алмазбек Атамбаев.
«Ата Мекен» парламент фракцияси раҳбари Омурбек Текеебаев, Атамбаев 33 млн сом (477 минг доллар)га уқдирганидек, Қўйтошдаги Албек Ибраимов рафиқаси номига хатланган ер участкасини харид қилгани ҳақида маълум қилган эди. Президент у ерда уй қурган.
Кейинчалик, Бош прокуратура Омурбек Текебаевнинг давлат раҳбари ва Бишкек шаҳри мэрига нисбатан айбловида асос кўрмаганини қайд этган.
Текширув натижасига кўра, Алмазбек Атамбаевнинг Албек Ибраимов рафиқасидан 27,5 гектар ер сотиб олгани тасдиқланмади. Ҳужжатларга кўра, аслида ер майдони 2,7 гектарни ташкил этган. Кўчмас мулк олди-сотди шартномаси 2015 йилда қонунчиликка риоя қилинган ҳолда тузилган.
Мавзуга оид
20:32 / 24.09.2024
Қирғизистонда Асқар Акаевга собиқ президент мақомини қайтариш рад этилди
18:49 / 20.09.2024
Қирғизистонда коррупционерлар ва уларнинг қариндошларига давлат лавозимида ишлаш тақиқланади
22:04 / 16.09.2024
Қирғизистондан Ўзбекистонга от уюрини ноқонуний ҳайдаб ўтмоқчи бўлганлар ушланди
21:05 / 16.09.2024