Москвада Ислом Каримов хиёбони очилмоқда, Тошкентда қачон?

Москва ҳукумати Якиманка туманидаги хиёбонга Ўзбекистоннинг Биринчи Президенти номини бериш ҳақида қарор қабул қилганлиги ҳақида хабар берилганди. 

"Президент топшириғи билан Ўзбекистон Республикаси консуллиги жойлашган хиёбонга Ислом Каримов номини бериш таклифи киритилди", - деган эди шаҳар мэри Сергей Собянин.

Большая Полянка кўчасидаги 39-уй билан Первый Казачий тор кўчасидаги 13-уй ўртасида Ислом Каримов хиёбони бўлиши маълум қилинганди.

Эслатиб ўтамиз, Ўзбекистонда мустақил Ўзбекистон асосчиси, буюк давлат ва сиёсат арбоби, ўзбек халқининг улуғ ва ардоқли фарзанди, Ўзбекистон Қаҳрамони, мамлакатнинг биринчи президенти Ислом Абдуғаниевич Каримовнинг хотирасини абадийлаштириш мақсадида халқаро танлов ташкил қилинади. Бу ҳақда Ўзбекистон президентининг қарори чиқарилган.