Фото: Хитойда кўчаларга ташлаб кетилган велосипедлар уюми

Хитойда велосипедларни ижарага бериш бўйича сервислар фойдаланувчиларнинг масъулиятсизлиги билан тўқнаш келишди.

Мамлакатдаги велосипедларни ижарага бериш сервисларида транспорт воситасини қайта топшириш мажбурияти йўқ, уни йўл юзида қолдириб кетиш мумкин. Бу ҳолат илова орқали тўланган фойдаланиш вақти муддати якунига етса кузатилади. Mashable’нинг ёзишича, бундай тизимнинг ноқулай томони – баъзи бир инсонлар ўз велосипедларини истаган жойда ташлаб кетишларидан билан боғлиқ.

Йирик шаҳарларда шундай ташлаб кетилган велосипедлардан ҳаттоки катта “уюмлар” тўпланади. Уларни коммунал хизматлар ва полициячилар бирма-бир йиғиб юришади. 

Йирик ижарага бериш сервислари ўз велосипедларига GPS-белги ўрнатиб қўйишаётганига қарамай, уларни доимий равишда ўмаришади ва Taobao орқали қайта сотишга уринишади. Гувоҳлар ижтимоий тармоқларда дарёлар ва қишлоқларга ташлаб кетилган велосипедлар тасвирланган суратларни тақдим этишган.