Саудия Арабистони Туркияни қўллаб-қувватламоқда
Саудия Арабистони ва Туркиянинг минтақадаги муаммоларга нисбатан нуқтаи назарлари тўлиқ мос келади, деди Саудия Арабистони ташқи ишлар вазири Одил Ал-Жубайр. Sky News Arabia телеканали шу ҳақида маълум қилди.
"Саудия Арабистони ва Туркиянинг Ироқ ҳамда Сурия, шунингдек Эроннинг минтақадаги ишларга аралашувига нисбатан позициялари мос келади... Биз Сурия халқининг уринишларини рўёбга чиқариш учун унинг бирлигини сақлаб қолишга ҳаракат қиламиз", - деди Ал-Жубайр Анқарадаги матбуот-конференциясида.
У Ар-Риёд Туркиянинг террорчи гуруҳларга қарши ҳарбий ҳаракатларини қўллаб-қувватлашини қўшимча қилди.
Қироллик ТИВ раҳбарининг таъкидлашича, Ар-Риёд ва Анқара минтақада мавжуд муаммоларни бартараф этиш учун барча соҳаларда ҳамкорлик қилишга ҳаракат қилишмоқда.
Келаси ҳафтада Туркия президенти Ражаб Тоййиб Эрдўған Форс кўрфази мамлакатлари бўйлаб сафари доирасида Саудия Арабистонига ҳам ташриф буюриши кутилмоқда.
Мавзуга оид
14:30
Ўзбекистон бош вазири ўринбосари Саудия инвестициялар вазири билан музокара ўтказди
19:43 / 29.09.2024
Саудия Арабистонида 2024 йилда қанча инсон қатл этилгани маълум бўлди
12:40 / 27.09.2024
Тошкентда Ўзбекистон-Саудия Арабистони ишбилармонлар форуми ўтказилиши мумкин
23:45 / 26.09.2024