Хитой янги ракета ташувчини барпо этади

Хитой ракета ташувчилар технологияси академияси (CALT) 2018 йил охирига бориб ўрта юк ташиш қувватига эга бўлган янги авлод "Чанчжэн-8" ракета ташувчисини ишлаб чиқаради. Бу ҳақда China Daily нашри ёзмоқда. 

"Марказий ракета блокига "Чанчжэн-7" ва "Чанчжэн-3А" технологиялари олинади, қаттиқ ёнилғили тезлатгичларнинг диаметри 2 метрни ташкил этади, - дея ҳикоя қилган академия мутахассиси. – Уни ишлаб чиқишга 3 йилгача вақт кетиши мумкин, аммо 2018 йил охирига келиб илк синов парвози амалга оширилиши эҳтимол".

Мутахассиснинг сўзларига кўра, янги ракета ташувчи гелиосинхрон орбитага 4,5 тоннагача бўлган юкни олиб чиқиши мумкин бўлади. Геосинхрон орбитага эса 2,5 тонна юкни етказиши мумкин. Тахминларга кўра янги ракета сунъий йўлдошларни учириш харажатларини сезиларли камайтириши мумкин.