NYT: Трамп мудофаага харажатларнинг оширилишини талаб қилмоқчи

АҚШ президенти Дональд Трамп кейинги молия йили учун мамлакат мудофааси учун харажатларнинг кескин оширилиши ҳисобга олинган бюджетни шакллантиришни талаб қилади. Бу ҳақда The New York Times нашри хабар бермоқда. 

Нашр 4 нафар юқори лавозимдаги манбаларга иқтибос келтирган ҳолда таъкидлашича, Оқ уй раҳбари шу билан бирга бир қатор давлат идоралари, жумладан АҚШ атроф-муҳитни муҳофаза қилиш федерал агентлигининг молиялаштирилишини қисқартирмоқчи. Имтиёзли ижтимоий таъминот ва Medicare тиббий суғурталаш дастурларига харажатлар ўзгаришсиз қолиши керак.

Аввалроқ Associated Press ахборот агентлиги Пентагон конгрессга ўз тузилмалари ва бўлинмаларининг молиялаштирилишини 30 млрд долларга ошириш таклифини топширганини маълум қилганди. Маълум қилинишича, Барак Обама маъмурияти вақтида мудофаа эҳтиёжларига харажатлар мунтазам қисқартириб борилгани ҳисобга олинса, конгресс умумий ҳолда унинг оширилишини ижобий қабул қилади.