Эрдўған ЕХҲТни "ўз ўрнини билиш"га чақирди

Фото: Yasin Bulbul/Presidential Press Service via AP

Туркия президенти Ражаб Тоййиб Эрдўған ЕХҲТ "ўз ўрнини билиши" кераклигига ишора қилди. Associated Press агентлиги шу ҳақида хабар берди.

"Биринчидан, ўз ўрнингизни билинг! Биз сиз тайёрлаган сиёсий мотивланган ҳисоботларингизга қулоқ тутмаймиз", - дейди Эрдўған.

Гап шундаки, ЕҲҲТнинг демократик институтлар ва инсон ҳуқуқлари бўйича бюроси Туркиядаги референдумнинг Европа Кенгаши стандартларига мувофиқ бўлмаганини айтишган. Халқаро кузатувчилар референдумнинг техник томони яхши ташкиллаштирилган, бироқ сайловчиларга ислоҳотларнинг асосий қоидалари ҳақидаги холис маълумотлар тақдим этилмаган, деган хулосага келишган.

Туркияда бўлиб ўтган референдумда конституцияга тузатиш киритиш тарафдорлари ғолиб бўлди. Дастлабки ҳисоб-китобларга кўра, 51,3 фоиз фуқаро республика конституциясига ўзгаришлар киритиш учун овоз берган. Конституцион ўзгаришлар, хусусан, Туркияда парламент бошқарувидан президентлик бошқарув шаклига ўтишни кўзда тутади. Бош вазир лавозими бекор қилинади, президент вице-президент, вазирлар, судья ва прокурорлар Коллегияси аъзоларининг бир қисмини тайинлаш ҳуқуқига эга бўлади.