Хитой Осиёнинг 70 фоизини қоплайдиган сунъий йўлдош тизимини барпо қилди

Хитой илк маротаба ер усти станциялари миллий тармоғини муваффақиятли синовдан ўтказди. Бу станциялар ХХРнинг барча ҳудуди ва Осиёнинг 70 фоизини қамраб олувчи масофадан кузатиш бўйича сунъий йўлдошлар тармоғини назорат қилади. Бу ҳақда Xinhua агентлиги хабар қилмоқда.

Мониторингни олиб борувчи асосий иншоот Пекинда жойлашган бўлиб, қолганлари шимоли-ғарбий ва жанубий ҳудудларда жойлашган. Ушбу тизимни барпо қилиш бўйича ишлар 2007 йилдан буён олиб борилади. 

Ҳукумат инспекция қўмитасида журналистларга маълум қилишларича, бу тармоқдан биринчи галда Хитойнинг шимолий-ғарбий ва Жанубий Хитой денгизини масофадан ўлчаш учун фойдаланилади.