АҚШ авиацияси Трамп учун 2 та Boeing самолётини харид қилади

АҚШ ҳарбий-ҳаво кучлари мамлакат президенти Дональд Трамп учун иккита Boeing 747 самолётини харид қилиши мумкин. Улар Россиянинг «Трансаэро» авиакомпаниясига мўлжалланган эди, деб ёзмоқда Defense One портали манбаларга асосан.

Аниқлик киритилишича, «Трансаэро» кўрсатилган машиналарга 2013 йилда буюртма берган, бироқ рус компанияси 2015 йилда банкротга учрагани туфайли самолётларни харид қила олмаган.

Ўз навбатида, «Трансаэро» устидан бошқарувни қўлига олган «Аэрофлот» компанияси самолётларни 1,5 млрд долларга харид қилмади.

Нашрнинг маълум қилишича, АҚШ ҳарбий-ҳаво кучлари ҳар бир самолётни 390 миллион доллардан сотиб олиши мумкин.